ԿարևորՌադիոլուր

Արեւմտահայերէն լուրեր Նոյեմբեր 5, 2021

Արցախի դէմ Ատրպէյճանի յանցագործութիւնները քննարկուած են Ամերիկայի Ծերակոյտին կողմէ ։ Օրէնսդրական փոփոխութիւններու առաջարկները Ծերակոյտի քուէարկութեան կը ներկայացուին յաջորդ շաբաթ։ Ամերիկայի Պաշտպանութեան բաժանմունքէն կը պահանջուի զեկոյց ներկայացնել՝ 2020 -ի Արցախեան պատերազմի ժամանակ ամերիկեան միջոցներու կիրառումը, սպիտակ ֆոսֆորի, քասետային ռումբերու եւ այլ արգիլուած զինամթերքի օգտագործումը, ինչպէս նաեւ օտարերկրեայ վարձկաններու ներգրաւումը։

Մարդու իրաւունքներու եւրոպական դատարանը հրապարակեց 2014ին, Ատրպէյճանի մէջ գերի պահուած եւ խոշտանգուած՝ Տաւուշի մարզի Վերին Կարմիրաղբիւր գիւղի բնակիչ Մամիկոն Խոջոյեանի եւ Չինարի գիւղի բնակիչ Կարէն Պետրոսեանի գործերով վճիռները: Անիկա հաստատեց, որ Պաքուն խախտած է հայ գերիներու կեանքի իրաւունքը, Մարդու իրաւունքներու եւրոպական դատարանը իր վճիռով կը պարտադրէ, որ Ատրպէյճան իւրաքանչիւր գործով վճարէ 40 հազար եուրօ:

«Մենտելիեւ» միջազգային մրցանակը պիտի շնորհուի ռուսահայ գիտնական Եուրի Յովհաննիսեանին, կը հաղորդէ (ԵՈՒՆԵՍՔՕ): Մրցանակը պիտի յանձնուի 15 Նոյեմբերին։ Յովհաննիսեան մրցանակը պիտի կիսէ իտալացի գիտնական Վիչենզօ Պալզանիի հետ։ Մրցանակին կ՛ընկերանան 250,000 ական տոլարի նուէրներ։ «Մենտելիեւ»ի աղիւսակի 118րդ տարրը կոչուած է Օկանեսոն (Og) անունը՝ ի պատիւ Եուրի Յովհաննիսեանի:

Ցուցադրել ավելի
Back to top button