Ստեփանակերտում այսօր վերաբացվել է Հադրութի մանկապարտեզը: ԱՀ մարդու իրավունքների պաշտպան Գեղամ Ստեփանյանը Թվիթերի իր էջում տեսանյութ է հրապարակել, որտեղ երեխաները մեծ ուրախությամբ խաղում են նոր խաղալիքներով։
Դրանք, ըստ Ստեփանյանի, երեխաներին են ուղարկել Սփյուռքի մեր հայրենակիցները։
«Ես այնքան ուրախ էի՝ տեսնելով երեխաների ոգևորությունը»,- գրել է ԱՀ ՄԻՊ-ը՝ հավելելով, որ չնայած բոլոր մարտահրավերներին, կվերակառուցենք մեր կյանքը։
«Մենք կվերակառուցենք մեր կյանքը՝ չնայած բոլոր մարտահրավերներին, և երախտապարտ ենք աշխարհասփյուռ մեր հայրենակիցներին, ովքեր օգնում են մեզ այս ճանապարհին»,-գրել է Գեղամ Ստեփանյանը։
