Թուրքիան դիմել է ԱՄՆ-ին՝ F-16 կործանիչներ գնելու, ինչպես նաև արդեն ձեռք բերված կործանիչներն արդիականացնելու համար, հաղորդում է Reuters գործակալությունը:
Գործարքը գնահատվում է միլիարդավոր դոլարներ, սակայն դեռ ուսումնասիրվում է Պետքարտուղարության և Պենտագոնի մաս կազմող համապատասխան պետական գերատեսչության կողմից:
Թուրքիան ցանկանում է գնել 40 միավոր կործանիչ գնել և արդիականացնել 80-ը։ Աղբյուրը նշում է, որ գործարքը կարող է արգելափակվել Կոնգրեսից կողմից, նույնիսկ եթե այն հաստատվի։
Թուրքիան ՆԱՏՕ-ի առաջին երկիրն է, որ Ռուսաստանից ձեռք է բերել S-400 (С-400) հակաօդային պաշտպանության համակարգեր։ Անկարայի որոշումն արժանացել էր Վաշինգտոնի և ՆԱՏՕ-ի բացասական արձագանքին:
Միացյալ Նահանգները ջանքեր է գործադրում՝ ստիպելու Թուրքիային հրաժարվել ռուսական S-400-ից, ինչի պատճառով Թուրքիային չընդգրկեց հինգերորդ սերնդի F-35 կործանիչների արտադրության իր ծրագրից:
