Ինչպե՞ս են ժամանակը, միջավայրն ու մտածողությունը ձևավորում անկախության ոչ միայն պատմությունը, այլ անկախության նկատմամբ վերաբերմունքն ու գիտակցությունը՝ պետական, հասարակական, անհատական մակարդակում։
«Մեր իրականության մեջ կա անկախության հանդեպ միֆական և ոչ չափելի ընկալում, կուզեի այդ չափելիությունը նշել՝ որպես կարևոր գաղափար։ 30 տարվա ընթացքում շատ կարևոր է չափել փոփոխությունը, փոփոխությունը չափելուց է արժևորվում անկախությունը, որպես օր՝ այն փոխակերպվում է ընթացքի ու գործընթացի», – ՀՀ անկախության 30-ամյակի առիթով մեկնաբանում է պատմաբան Զոհրաբ Գևորգյանը՝ ավելացնելով, որ հայրենիքը պրագմատիկ քայլեր է սիրում։