Ադրբեջանցիները ստուգում են նաև հայկակա՞ն բեռնատարները
Գորիս-Կապան ճանապարհին ադրբեջանցիները կանգնեցրել ու ստուգել են երեք հայկական բեռնատար։ Այս մասին «Ռադիոլուր»-ի հետ զրույցում ասել Գորիս համայնքի ղեկավարի տեղակալ Կարեն Քոչարյանը։ Քոչարյանն ասում է նաև, որ ադրբեջանցիները Հայաստան եկող իրանական ավտոբուս են կանգնեցրել, ստուգել փաստաթղթերը։
«Ահազանգ է եղել, որ կանգնեցրել են հայկական բեռնատարները։ Այլ բան չեմ կարող ասել։ Վարորդների տվյալները չունեմ։ Դեպքը եղել է երեկ երեկոյան։ Այս պահին էլ իրավիճակը նույն է, ադրբեջանցիները շարունակում են կանգնեցնել պարսկակական բեռնատարներին»,-ասել է Կարեն Քոչարյանը։
Փորձեցինք նաև պարզաբանումներ ստանալ Սյունիքի մարզպետարանից։ Մարզպետի խորհրդական Արմինե Ավագյանը նշեց, որ հարցի վերաբերյալ որևէ պարզաբանում մարզպետարանը չի կարող տալ։ Խորհուրդ տվեց դիմել ԱԱԾ կամ Պաշտպանության նախարարություն։