Գորիս-Կապան միջպետական ճանապարհի Գորիս-Որոտան և Շուռնուխ-Կարմրաքար հատվածները վերաբացվել են․ «Ռադիոլուր»–ին քիչ առաջ հայտնել է Սյունիքի փոխմարզպետ Նարեկ Բաբայանը:
Նրա փոխանցմամբ՝ ճանապարհի այդ հատվածներն արդեն երթևեկելի են, շարունակելու են մնալ ռուս սահմանապահների հոսկողության ներքո:
Ճանապարհի փակ հատվածները վերաբացելու շուրջ եռակողմ բանակցություններ էին ընթանում:
Փոխմարզպետը բանակցությունների մասին մանրամասներ չի հայտնել, քանի որ դրանք նոր են ավարտվել։ Հայտնի չէ նաև, թե ինչ համաձայնությունների արդյունքում է բացվել միջպետական ճանապարհի փակ հատվածը:
