Որտեղ էլ նա երգեր՝ լիներ դա մեծ բեմահարթակ, փոքրիկ եկեղեցի, թե ձայնագրություն աշխարհահռչակ որևէ դիրիժորի հետ, երգչուհու համար նշանակություն չուներ, նա անմնացորդ տրվում էր իր արվեստին:
«Աշխատասիրությունը՝ ընտանեկան արժեք է: Մենք աշխատող ընտանիք ենք, երբ տեսնում ես, ծնողներդ աշխատում են, դու էլ ես աշխատում, այլ կերպ չի կարող լինել»: «Հայը չպետք է ծույլ լինի»:
«Երգչուհու կարիերան միայն պապարացիներն ու վարդերը չեն, ամենակարևորը «կիրքն» է, միայն կիրքը կարող է օգնել հաղթահարելու բազում դժվարություններ՝ մերժումներ, փոքր վարձատրություն, էլի շատ խոչընդոտներ գործունեության սկզբնական շրջանում»։