Սահմանամերձ գյուղերը մեր երկրորդ պաշտպանական գիծն են, դրանք դատարկելու իրավունք չունենք, իսկ Հայաստանում տեղի է ունենում սարսափելի մեծ հոսք գյուղից դեպի քաղաք։ Ընդ որում՝ հոսք ոչ թե դեպի մարզային քաղաքներ, այլ հենց մայրաքաղաք Երևան։ «Սա ոչ թե ուրբանիզացիա է, այլ երևանիզացիա»,-ասում է ժողովրդագրագետ Արտակ Մարկոսյանը։
Բնակարանի խնդրից զատ՝ ի՞նչն է ստիպում համայնքների բնակիչներին գյուղից դեպի քաղաք տեղափոխվել՝ առաջացնելով ժողովրդագրական լուրջ խնդիրներ․ մասնագետի հետ զրույցում փորձել ենք պարզել՝ նախ հստակեցնելով՝ համայնքներում ժողովրդագրական խնդիրների բարելավմանը որքանով են նպաստում մոտ մեկ տարի առաջ մեկնարկած սոցիալական բնակարանաշինական ծրագրերը։
