ԿարևորՌադիոլուր

Արեւմտահայերէն լուրեր Յուլիս 23, 2021

Ռուսիան մտահոգուած է Հայ-ատրպէյճանական սահմանին առկայ լարուածութեամբ. յայտարարեց Ռուսաստանի պաշտօնական ներկայացուցիչ Մարիա Զախարովան: «Այդ ծայր աստիճան բացասաբար կ՛անդրադառնայ տարածաշրջանային իրավիճակին վրայ ու չի նպաստեր Հայաստանի և Ատրպէյճանի միջեւ երկխօսութեան կարգաւորման՝ երկու երկիրներու բնակչութեան շրջանին չհիմնաւորուած կորուստներու պատճառ դառնալով»,-յայտարարեց Զախարովան: Ռուսական կողմը պատրաստ է այդ հարցին մէջ օգնութիւն ցուցաբերելու:

Ատրպէյճանի սադրանքները պէտք է արժանանան միջազգային հանրութեան պատշաճ արձագանգին՝ ՄԱԿ-ի կայուն զարգացման, բարձր մակարդակի քաղաքական հանդիպումին ըսած է Արտաքին գործոց նախարարի պարտականութիւնները կատարող՝ Արմէն Գրիգորեան: «Մինչ օրս Ատրպէյճան կը շարունակէ իր ոտնձգութիւնները հրաժարելով վերադարձնել գերութեան մէջ գտնուող հայ ռազմագերիները, տարածքային պահանջներ ներկայացնելով և փորձելով զաւթել Հայաստանի ինքնիշխան տարածքներ եւ արգելափակել միջազգային մարդասիրական ջանքերու մուտքը Արցախ», —ըսած է Արմէն Գրիգորեան։

Պաքուի դատարանը 13 հայ ռազմագերիները դատապարտած է 6 տարուան բանտարկութեան։ Դատարանը նաեւ վճռած է, որ անոնք պատիժը կրելէն անմիջապէս յետոյ պիտի արտայանձնուին։ Մարդու իրաւունքների պաշտպան Արման Թաթոյեան նշած է , որ հայ գերիների հանդէպ դատաւարութիւնները ամբողջովին անհիմն են եւ արհեստական: Պաշտպանը շեշտեց , որ այդ ազատազրկումները միջազգային իրաւունքով արգիլուած պատիժ են։

Ցուցադրել ավելի
Back to top button