ԿարևորՌադիոլուր

Արեւմտահայերէն լուրեր Յուլիս 19, 2021

Եվրամիութիւնը պատրաստ է որպէս միջնորդ կառուցողական դեր խաղալ Հայաստանի եւ Ատրպէյճանի միջեւ. յայտարարեց եվրոպական խորհուրդի նախագահ՝ Շառլ Միշէլ Պաքուի մէջ։ Եվրոպական խորհուրդի նախագահը այսօր կը մասնակցի Պաթումիի միջազգային համաժողովին, որուն ընթացքին տեղի կ՛ունենայ Արեւելեան գործընկերութեան երկիրներու ղեկավարներուն հանդիպումը:

Հայաստանի Սահմանադրական դատարանը որոշեց անփոփոխ թողնել Կեդրոնական ընտրական յանձնաժողովի` Յունիս 27-ի որոշումը` ընտրութիւններուն արդիւնքները ամփոփելու վերաբերեալ: 8-րդ գումարման Ազգային ժողովը պիտի ունենայ 107 պատգամաւոր, որմէ «Քաղաքացիական պայմանագիրը»` 71, «Հայաստան» դաշինքը` 29, «Պատիւ ունեմ»-ը` 7։

Վարչապետի պաշտօնակատար Նիկոլ Փաշինեան հիւրընկալեց Moderna ընկերութեան հիմնադիր եւ գործադիր տնօրէն, «Աւրորա» մարդասիրական նախաձեռնութեան համահիմնադիր Նուպար Աֆէյեանը։ Փաշինեան եւ Աֆէյեան քննարկած են համազգային օրակարգին, Հայաստանի կառավարութեան ծրագիրներուն, Հայաստանի զարգացման ուղղուած հարցեր։« Կարողանանք ապագան աւելի փայլուն եւ արդիւնաւէտ դարձնել՝ միասնաբար աշխատելով»,-նշած է Նուպար Աֆէյեան ։

Ցուցադրել ավելի
Back to top button