Երկրորդ ճակատ

Որդին ծնվեց պատերազմի ժամանակ որպես հույս, որ նորից ոտքի են կանգնելու ու պայքարելու․ «Երկրորդ ճակատ»

Շտապօգնության բժիշկ Նարեկ Ամիրյանն իր հերթափոխն ավարտելուց հետո գնաց տուն՝ պատրաստվելով հաջորդ օրվա աշխատանքային հերթափոխին: Մայրն արթնացրեց, ասաց, որ ուշանում է ու որդուն մի կողմ տանելով` ավելացրեց` սահմանում պատերազմ է: Նարեկի կինը հղիության վերջին ամսում էր, հետևաբար տանը փորձում էին նրան հեռու պահել նման նորություններից:

Նարեկը, սակայն, գնաց պատերազմ հենց որդու համար: Սահմանից հիշելու պատմությունները շատ են, բայց մեկը տպավորվել է նրա մեջ այնքան, որ չի կարողանում մոռանալ: Վիրվոր զինվորին պիտի տեղափոխեին Երևան: Նարեկին զգուշացրին, որ հայրը ներքևում սպասում է որդուն, իջավ ծանր սրտով՝ փորձելով հասկանալ, թե ի՞նչ է ասելու զինվորի հորը:

Բայց տղամարդը միայն խնդրեց տղային նորմալ տեղ հասցնելուց հետո իրեն որևէ կերպ իմաց տալ, թե ուր են տարել, իսկ ինքը կրկին գնաց առաջնագիծ, որովհետև այլ կերպ չէր կարող: Նարեկը վիրավորվել է նոյեմբերի 6-ին ու իր գործընկերների շնորհիվ փրկվել: Հիմա կյանքին այլ կերպ է նայում՝ ասես նորից ծնված լինի, իսկ որդին, որ ծնվեց պատերազմի ժամանակ, հույս է ներշնչում, որ մենք նորից ենք վերածնվելու:

Ցուցադրել ավելի
Back to top button