Պետք է պայքարենք մինչև վերջին օրը․ բժիշկ Լուսինե Սարգսյան․ «Հաջողության նոտա»

Լոռու մարզի Ջրաշեն գյուղում ծնված Լուսինեն Երևանում ստանալով ստոմատոլոգիական կրթություն՝ 2000 թ.-ին ծնողների հետ տեղափոխվել է Արցախ, տարիներ անց նշանակվել է Իշխանաձոր համայնքի բուժամբուլատորիայի վարիչ։

Պետական հանձնաժողովի որակավորմամբ ստացել է բժշկի որակավորում, ապա նշանակվել Կովսականի բուժմիավորման գործադիր տնօրեն։ Անցնելով 44-օրյա պատերազմի դժոխային ճանապարհով՝ նա չի կորցնում հավատը, որ հարազատ Իշխանաձորը, Կովսականն ու Քաշաթաղը նորից կշենանան։