Ընտրություններն անցել են ժողովրդական բոլոր չափորոշիչներին համապատասխան. ԱՊՀ դիտորդական առաքելություն
Հայաստանի խորհրդարանական ընտրություններն անցկացվել են հանրապետության օրենսդրությանը համապատասխան, ասել է ԱՊՀ դիտորդական առաքելության ղեկավար Իլհոմ Նեմատովը:
«Հայաստանում ԱԺ արտահերթ ընտրությունները կազմակերպվել ու անցկացվել են ՀՀ Սահմանադրության ու Ընտրական օրենսգրքի պահանջներին համապատասխան: Անցկացվել են բազմակուսակցականության հիմքով, եղել են բաց ու թափանցիկ: Ընտրական հանձնաժողովն ապահովել է բոլոր միջոցները քաղաքացիների ազատ կամարտահայտության ապահովման համար: Ընտրություններն անցել են ժողովրդական բոլոր չափորոշիչներին համապատասխան»,- ասել է նա:
Հայաստանի խորհրդարանական ընտրություններին ԱՊՀ դիտորդները չեն արձանագրել որևէ խախտում, որը կարող է ազդել իրենց կամքի արտահայտման արդյունքների վրա, նշել է ԱՊՀ դիտորդական առաքելության ղեկավարը:
Հունիսի 20–ին Հայաստանում քվեարկություն է անցկացվել 2008 ընտրատեղամասերում։ Արտահերթ խորհրդարանական ընտրություններին մասնակցում են 21 կուսակցություն և 4 դաշինք։
