Եվրամիության EU4Culture ծրագիրը մարզային քաղաքներին ինքնուրույն զարգացանալու հնարավորություն կընձեռի։ «Սովորաբար կենտրոնն է որոշում՝ ինչպես զարգանան մարզերը։
Այս ծրագրի նպատակն է, որպեսզի մարզային քաղաքներն իրենք որոշեն իրենց ինչ է պետք, իրենք կազմեն իրենց քաղաքի մշակութային կյանքի զարգացման ռազմավարական ծրագիրը։
Սա մարզերին ինքնուրույն զարգանալու հնարավորություն է»,– ասում է EU4Culture ծրագրի հայաստանյան մասի ղեկավար Մարինե Կարոյանը։ Ըստ նրա՝ ծրագրի ամենամեծ նպատակն է, որ համայնքի բոլոր անդամներն ու քաղաքացիները շահառու դառնան։ «Այն հանրային բարիք ստեղծելու մասին է, որից կօգտվեն բոլորը»,– ասում է Մարինե Կարոյանը։
