«Փնտրեցեք կնոջը». ֆրանսիական հայտնի խոսքն արտացոլվել է անգամ կիրառական արվեստում։ Հայաստանի ազգային պատկերասրահի ֆոնդապահոցում է պահպանվում դրա ապացույցը` ֆրանսիական եզակի սեղանիկը, որը այստեղ պահ տված զարմանահրաշ ցուցանմուշներից մեկն է։
Կարելի է տեսնել սեղաններ, թեյի կամ սուրճի համալիրներ, մեյսոնյան ցանցկեն արձանիկներ, Էրմիտաժի կողմից հայկական պատկերասրահին նվիած շատուշատ հրաշագեղ արվեստի գործեր։ Վերանորոգումից հետո այս հրաշալի իրերը կրկին իրենց տեղը կգտնեն ցուցասրահներում` սպասելով այցելուների հիացած հայացքներին։
