Երկրորդ ճակատ

Ավտոմեխանիկ Կարենը, կարմիր խաչերով մեքենան ու ադրբեջանցի գերին․ «Երկրորդ ճակատ»

Երևանի քաղցրավենիք արտադրող ընկերություններից մեկում ավտոմեխանիկ աշխատող վաթսունամյա Կարեն Մխիթարյանը պատերազմի ժամանակ առաջնագիծ է մեկնել որպես շտապօգնության մեքենայի վարորդ:

Ասում է, որ իր երեխաների տարիքի զինվորներին տեսնելով՝ չէր կարող չգնալ, որովհետև վստահ էր, որ իր գնալով երիտասարդի կյանք է փրկում:

Պատերազմի օրերին հաճախ էին դիմում ավտոմեխանիկ Կարենին, թե այսինչ անսարքությունն է, հասիր, այն մի մեքենան կանգնած է մնացել, օգնիր և այլն:

Կարենի համար ամենածանր օրերից մեկը եղել է պատերազմի դադարեցումից հետո, երբ Արցախից ադրբեջանցի գերի էր տեղափոխում Երևան: Նրան լավ է հիշում, մտապահել է այն, որ անդադար ասում էր, թե մրսում է:

Մինչև հիմա գիշերները չի քնում, հաճախ է տղաներին հիշում ու լացում… իր երեխայի տարիքի երեխաներ էին զոհվում, դա տեսնողը դժվար է իր մեջ ուժ գտնում շարունակել ապրել:

Ցուցադրել ավելի
Back to top button