Թանգարանները հիմնականում նման են հսկայական սառցալեռների, որոնց միայն մեկ տասներորդ մասն է երևում, իսկ մնացածն ընկղմված է ջրի տակ։
Այդպես էլ թանգարանների ու պատկերասրահների հավաքածուների մեծ մասը թաքնված է այցելուների աչքերից։
«Հայագիտակի» օգնությամբ եզակի հնարավորություն ունեք գտնվել Հայաստանի ազգային պատկերասրահի պահոցում, իմանալ ինչպե՞ս են այստեղ պահպանվում այն նկարները, իրերն ու քանդակները, որոնք մշտական ցուցադրությունների դրված չեն։