ԿարևորՌադիոլուր

Արեւմտահայերէն լուրեր Մայիս 13, 2021

Սեւ լիճի մերձակայքին կան ատրպէյճանցի զինուորներ: Այսօր Կառավարութեան նիստի սկիզբը տեղեկացուց ՀՀ վարչապետի պաշտօնակատար Նիկոլ Փաշինեան՝ նշելով, որ երեկուընէ փոփոխություն չէ եղած՝ փոխ հրաձգութիւն եւ բախում չկայ, կը տարուի աշխատանք ատրպէյճանցի զինուորները այդ տարածքէն դուրս բերելու ուղղութեամբ: «Հայաստանի ինքնիշխան տարածքը պէտք է ըլլայ անձեռնմխելի, Ատրպէյճանի զինուած ուժերը պէտք է ետ քաշուին»,- նշեց վարչապետի պաշտօնակատար Նիկոլ Փաշինեան։

Մինչեւ 2025 թուական կը նախատեսուի գիտաշխատողներուն աշխատավարձերու աստիճանական բարձրացում: Կառավարութեան այս որոշումը գիտութեան ոլորտին մէջ հիմնարար փոփոխութիւն է, սա յստակ ուղերձ է, որ գիտութիւնը Հայաստանի մէջ ունի ապագայ, եւ կառավարութիւնը յանձնառու է՝ ապահովելու գիտնականի կենսամակարդակի եւ աշխատանքի պայմաններուն բարելաւումը»,- գրած է փոխվարչապետի պաշտօնակատար Տիգրան Աւինեան։

Այսօր Համբարձման տօն է: Այս օրը կը յիշատակուի նաեւ 1441 թուականին Ամենայն Հայոց Հայրապետական Աթոռի փոխադրութիւնը Սիսէն Էջմիածին։ Համբարձման Տօնը Հայաստանի տարբեր շրջաններուն մէջ իւրատեսակ կը նշեն, նախապէս կը կատարուի ծաղկահաւաք իսկ տօնի օրը ջուրով լի կուժերու մէջ ծաղիկներ եւ աղջիկներուն պատկանող զանազան իրեր կը նետեն և յետոյ կը սկսի վիճակահանութիւնը։

Ցուցադրել ավելի
Back to top button