Նիդեռլանդների Թագավորության արտաքին գործերի նախարար Ստեֆ Բլոկը, պատասխանելով Նիդեռլանդների խորհրդարանի պատգամավոր Ռայմոնդ Դե Ռունի Բաքվում բացված «պուրակի» մասին հարցին, որտեղ հայ զինվորների սաղավարտների ֆոնին լուսանկարվել է Ադրբեջանի նախագահ Իլհամ Ալիևը, նշել է, որ դրանք տհաճ պատկերներ են:
«Պարոն Դե Ռունը խնդրեց արձագանքել Ադրբեջանի նախագահի՝ հայերի, հնարավոր է, մահացած հայերի սաղավարտների հետ լուսանկարներին: Դրանք շատ տհաճ պատկերներ են: Ավելի վաղ ես արդեն այս հակամարտության վերաբերյալ հայտարարել եմ, որ կողմերին կոչ եմ անում լուծմանը հասնել ԵԱՀԿ Մինսկի խմբի շրջանակներում բանակցությունների միջոցով և զերծ մնալ վարքագծից, որն անհնարին կդարձնի վերջնական որոշումը»,- ասել է նախարարը:
