ԿարևորՌադիոլուր

Արեւմտահայերէն լուրեր Ապրիլ 20, 2021

Այսօր Եվրոպայի խորհուրդի խորհրդարանական վեհաժողովի (ԵԽԽՎ) լիագումար նիստի ընթացքին ընթացիկ հարցերու քննարկման ժամանակ տեղի կ՛ունենայ նաեւ քննարկում հայ ռազմագերիներու հարցով: Վեհաժողովի լիագումար նիստի ընթացքին վեհաժողովը ձայներու 93 կողմ, 21 դէմ, 18 ձեռնպահ յարաբերակցութեամբ հաստատեց հայ ռազմագերիներու հարցով ընթացիկ հարցերու քննարկում անցնելու մասին՝ հայկական պատուիրակութեան պահանջքը:

Հայաստանի վարչապետ նիկոլ Փաշինեան հրաժարական պիտի տայ Ապրիլի վերջին շաբաթը: Նշեց «Իմ քայլը» խմբակցութեան պատգամաւոր Արման Եղոյեանը ։ Յունիս 20-ի արտահերթ խորհրդարանական ընտրութիւններուն դաշինքո՞վ, թե՞ կուսակցութեամբ առաջադրուելու հարցին ի պատասխան պատգամաւորը ըսաւ , որ դեռ վերջնական որոշում չունին և քննարկումներու փուլի մէջ են։

Աշխատանքային այցով Սյունիքի մարզ գտնուող՝ Հայաստանի նախագահ Արմէն Սարգսեան, Հայաստանի մարդու իրաւունքներու պաշտպան Արման Թաթոյանի, Գորիս համայնքի ղեկավար Առուշ Առուշանեանի և մարզի շարէ մը ղեկավարներուն հետ այցելած է Սիւնեաց թեմի առաջնորդանիստ Սբ․ Գրիգոր Լուսաւորիչ եկեղեցի։ Նախագահը մոմ վառած է յանուն հայրենիքի իրենց կեանքը զոհաբերած մեր բոլոր զինծառայողներու եւ կամաւորականներու յիշատակին։

Ցուցադրել ավելի
Back to top button