ԿարևորՌադիոլուր

Արեւմտահայերէն լուրեր Ապրիլ 19, 2021

Զոհուած զինծառայողներու աճիւններուն որոնողական աշխատանքները այսօր կը շարունակուին Ջրականի շրջանին մէջ։ Ռազմական գործողութիւններու դադարէն յետոյ Ատրպէյճանի վերահսկողութեան տակ անցած տարածքներէն յայտնաբերուած ՝ կամ հայկական կողմին փոխանցուած է ընդհանուր 1543 աճիւն։

Եվրոպայի խորհուրդի խորհրդարանական վեհաժողովի գարնանային նստաշրջանը Ատրպէյճանի կողմէն պահուող հայ ռազմագերիներու հարցը կը քննարկէ Ապրիլ 20-ին։ Այս մասին տեղեկացուց Եվրոպայի խորհուրդի խորհրդարանական վեհաժողովի հայաստանեան պատուիրակութեան անդամ Նաիրա Զոհրապեան։ Եվրոպայի Խորհրդարանի վեհաժողովի Հիմնական քաղաքական ուժերուն միջեւ կայ փոխ համաձայնութիւն, որ Ատրպէյճան չյանձնելով հայ ռազմագերիները, կոպտօրէն կը խախտէ միջազգային իրաւունքը։

Այսօր Հայաստանի մէջ սկսաւ COVID-19-ի դէմ «Սպուտնիկ V» ռուսական դեղամիջոցով պատուաստումները, յայտնեց Առողջապահութեան նախարարութեան մամլոյ քարտուղար Հռիփսիմէ Խաչատրեան։ Պատուաստանիւթը նախատեսուած է բուժաշխատողներուն եւ հիւանդութիւններ ունեցողներուն համար։

Ցուցադրել ավելի
Back to top button