ԿարևորՌադիոլուր

Արեւմտահայերէն լուրեր Ապրիլ 14, 2021

Հայաստանի վարչապետ Նիկոլ Փաշինեան Ազգային ժողովին մէջ իր ելոյթին արձանագրեց, որ հայ-ռուսական ռազմական պայմանագիրներու տրամաբանութեամբ՝ յարձակում Հայաստանի վրա, կը նշանակէ յարձակում Ռուսաստանի վրայ։ Վարչապետը նշեց, որ այս պահուն կը քննարկուի Հայաստանի մէջ ռուսական 102-րդ ռազմակայանի հնարաւորութիւնները հարստացնելու հարցը, ինչպէս նաեւ կան քննարկումներ Սիւնիքի մէջ 102-րդ ռազմակայանի յենակէտ ստեղծելու վերաբերեալ: Վարչապետը իր ելոյթին մէջ անդրադառնձաւ նաեւ Արցախեան 44-օրեայ պատերազմի հանգամանքներուն, շահարկումներուն, Լեռնային Ղարաբաղի հիմնախնդրի կարգաւորման տեսլականին, ինչպէս նաեւ Զինուած Ուժերու բարեփոխումներուն եւ զարգացման հնարաւորութիւններուն։

Հայաստանի Ազգային ժողովը երկրորդ ընթերցմամբ, ընդունեց կաշառակերութեան դէմ դատարան ստեղծելու մասին կառավարութեան ներկայացուցած օրէնքներու փաթեթը: Կաշառակերութեան դէմ դատարանը կ՛ունենայ 15 դատաւոր եւ կը քննէ պետութեան գոյքային եւ ոչ գոյքային շահերուն հետ կապուած հայցերը, ապօրինի ծագում ունեցող գոյքի բռնագանձման մասով ներկայացուած հայցերը:

Հայաստանի մէջ սկսաւ COVID-19-ի դէմ պատուաստումները։ Վտանգաւոր խումբերուն մէջ ընդգրկուած 55-էն վար տարիքով անձերըկը պատուաստուին «Sputnik-V»-ով, իսկ 55-էն վեր տարիք ունեցողները՝ «AstraZeneca»-ով: Պատուաստումները կ՛իրականացուին առողջութեան առաջնային պահպանման կազմակերպութիւններուն մէջ՝ անվճար եւ ազատ կամքի սկզբունքով։

Ցուցադրել ավելի
Back to top button