Մատիտով արված գրաֆիկական գործերը վախենում են լույսից։ Նաև սա է պատճառը, որ Հայաստանի ազգային պատկերասրահի հազարավոր գրաֆիկական աշխատանքների շատ փոքր մասն է ցուցադրվում։
Սակայն տարբեր կարևոր առիթներով կազմակերպված ցուցահանդեսներում, այնուամենայնիվ, մենք կարող ենք տեսնել դրանք։ Այդ թվում նաև, ասենք, Էդգար Շահինի գրաֆիկական աշխատանքները։ Մշտական մթի մեջ պահվող արվեստի լույսի մասին է հաղորդումը։