ԿարևորՌադիոլուր

Արեւմտահայերէն լուրեր Ապրիլ 13, 2021

Արշակ Կարապետեան իրաւունքի ուժով դարձաւ Զինուած Ուժերու գլխաւոր շտապի պետի առաջին տեղակալ,-կը յայտնէ կառավարութիւնը՝ կից ներկայացնելով վարչապետի հրամանագիրը։ Կըտեղեկացուի, որ վարչապետի կողմէն Ապրիլ 7-ին Հանրապետութեան նախագահին ներկայացուած էր առաջարկ՝ Արշակ Կարապետեանը գլխաւոր շտաբի պետի առաջին տեղակալ նշանակելու վերաբերեալ: «Հաշուի առնելով հանգամանքը, որ սահմանուած ժամկէտի մէջ նախագահը չէ ստորագրած վարչապետի ներկայացուցած նախագիծը եւ այն առարկութիւններով չէ վերադարձուցած վարչապետին, ուստի Ապրիլ 13-էն Արշակ Կարապետեանը իրաւունքի ուժով կը համարուի նշանակուած»,-ըսուած է հրամանագրին մէջ:

Քանատան կը դադարեցնէ Թուրքիա ուղղուած ռազմական այն սարքերու մատակարարումը, որոնք կիրառուած էին Արցախի վերջին պատերազմին։ Խօսքը, անօդաչու թռչող սարքերու համար օգտագործուող գործիքներու մասին է, որոնց մատակարարումը սառեցուած էր տակաւին պատերազմի օրերուն, բայց՝ ժամանակաւորապէս։ Երէկ Արտգործ նախարար Մարք Կարնօն հրապարակեց վերջնական որոշումը՝ ընդգծելով, որ վստահելի ապացոյցներ գտած է Լեռնային Ղարաբաղի մէջ Քանատական սարքերու օգտագործման մասին։

Թուրքիան կը պատրաստուի սուրիացի վարձկաններ ուղարկել Ուքրանիա՝ Ռուսաստանի դէմ պատերազմին մասնակցելու համար: Յայտարարած է Սուրիոյ Արդիւնաբերական միութեան նախագահ Ֆերես Շեհեպին: «Շատ շուտով մենք կը տեսնենք տխրահռչակ «սուրիացի ապստամբները, որոնք Ուքրանիոյ մէջ կը կռուին Ռուսաստանի դէմ: Թուրքիան Հիւսիսային Սուրիոյ մէջ գրոհայիններու հաւաքագրման նոր գրասենեակներ բացած է , ինչպէս Լիպիայի եւ Ատրպէյճանի պարագային»,-կը գրէ Շեհեպին։

Ցուցադրել ավելի
Back to top button