ԿարևորՌադիոլուր

Արեւմտահայերէն լուրեր Ապրիլ 8, 2021

Նամակ մը ղրկուած է Մեծ Բրիտանիոյ վարչապետ Պորիս Ճոնսընին՝ «Վարնավա» միջազգային հիմնադրամի ղեկավարին կողմէ, կոչ ընելով պաշտօնապէս ճանչնալ Օսմանեան կայսրութեան մէջ քրիստոնեաներու ցեղասպանութիւնը, որուն հետեւանքով զոհուած է 3,75 մլն քրիստոնեայ՝ հայեր, ասորիներ, սուրիացիներ եւ յոյներ։ «Քրիստոնեաներու ցեղասպանութեան ճանաչումը կ՛օգնէ կանխել քրիստոնեաներու, յատկապէս՝ հայերուն ապագայ ցեղասպանութիւնները»,- ըսուած է նամակին մէջ։ Կը Նշուի, որ «Հայոց ցեղասպանութեան ճանաչումը ճիշդ եւ արդարացի քայլ կ՛ըլլայ»։

Ռուսական Sputnik V պատուաստանիւթի 15 000 դեղաչափերու առաջին խմբաքանակը ժամանեց Հայաստան, կը յայտնէ Երեւանի մէջ Ռուսաստանի դեսպանութեան խորհրդական Պավել Քուրոչքին: Դիւանագէտին խօսքերով, սա շարունակութիւնն է այն մեծածաւալ աջակցութեան, որը Ռուսաստան տրամադրած է Հայաստանին համաճարակի դէմ պայքարին եւ, որը «ժողովուրդների միջեւ դաշնակցային փոխգործակցութեան եւ եղբայրական յարաբերութիւններու ամենավառ օրինակն է»։

Եվրայանձնաժողովի նախկին ղեկավար Ժան Քլոտ Եունքեր ըսած է, որ Դեղերու եվրոպական գործակալութեան համապատասխան ստուգումէն ետք Եվրամիութիւնը պէտք է գնէ ռուսական Sputnik V պատուաստանիւթը, կը յայտնէ Ռիա Նովսթի լրատուական գործակալութիւնը։ Համավարակը «խաղալիք չէ» ու չի կարելի հրաժարիլ պատուաստանիւթէն՝ Ռուսաստանի մէջ արտադրուած ըլլալուն պատճառով,-ըսած է Եունքեր։ Պատվաստանիւթն առ այսօր հաստատուած է մօտ 60 երկրի մէջ, որոնց ընդհանուր բնակչութիւնը կը գերազանցէ 1,5 միլիարդը։ Իսկ արդիւնաւէտութիւնը կը կազմէ 91,6 տոկոս։

Ցուցադրել ավելի
Back to top button