Արցախյան երկրորդ պատերազմից հետո տարածաշրջանում իրավիճակ է փոխվել, և Ռուսաստանը նոր խնդիրների առաջ է կանգել։ Քաղաքագետ Հակոբ Բադալյանն ասում է՝ նոր չէ, որ Ռուսաստանը հետաքրքրվում է Հայաստանի ներքաղաքական կյանքով։
«Դա Թուրքայի ներկայություն է Ադրբեջանում ու տարածաշրջանում նրա դերի մեծացումը։ Հասկանալի է, որ կախված Հայաստանի վարքագծից՝ այստեղ էական հարցեր են առաջանում։ Ռուսաստանը մի կողմից վարում է Թուրքայի հետ պայմանավորվելու քաղաքականությունը՝ չունենալով էական լուրջ ռեսուրսներ, մյուս կողմից՝ պետք է մրցակցի տարածաշրջանի այլ խաղացողների հետ։ Այս առումով Հայաստանը Ռուասատանի միակ հուսալի հենակետն է»,-ասում է քաղաքագետը։
Քաղաքագետի կարծիքով՝ այսօրվա հանդիպման առանցքային թեման պետք է լինի գերիների վերադարձը, քանի որ նոյեմբերի 9- ին ստորագրված եռակողմ համաձայնագրի համաձայն՝ Ռուսատանը նույնպես պատասխանատվություն է կրում գերիների վերադարձի համար։
