ԿարևորՌադիոլուր

Արեւմտահայերէն լուրեր Ապրիլ 7, 2021

Հայաստանի վարչապետ Նիկոլ Փաշինեան բանակցութիւն կ՛ունենայ Մոսկուայի մէջ Ռուսաստանի դաշնութեան նախագահ ՝Վլատիմիր Փութինին հետ: Կը նախատեսուի դիտարկել Լեռնային Ղարաբաղի վերաբերեալ Ռուսաստանի, Հայաստանի և Ատրպէյճանի ղեկավարներուն ՝ 2020 թուականի Նոյեմբեր 9-ի եւ 2021 թուականի Յունուար 11-ի յայտարարութիւններու իրականացման ընթացքը։ Բացի այդ, կը նախատեսուի քննարկել ռուս-հայկական ռազմավարական գործընկերութեան եւ դաշինքի զարգացման արդիական հարցեր։

Ապրիլ 7-ին Վարչապետ Նիկոլ Փաշինեան շնորհաւորեց կիներն ու աղջիկները՝ Մայրութեան եւ գեղեցկութեան տօնին առիթով: «Վստահ եմ՝ ուժեղ, ծաղկուն, ինքնավստահ ու զարգացող հայրենիքն է, որ սպեղանի պիտի դառնայ ձեր վէրքերուն»։ Իր շնորհավորական ուղերձին մէջ գրած է Նիկոլ Փաշինեան:

Կանանց տօնին առիթով շնորհաւորական ուղերձներ յղած են նաեւ երկրի նախագահ՝ Արմէն Սարգսեանն ու Արցախի նախագահ՝ Արայիկ Յարութիւնեանը։

Միացյալ Նահանգների կառավարութիւնը, Ամերիկայի Միջազգային զարգացման գործակալութեան միջոցով, լրացուցիչ 1,000,000 $ կը տրամադրէ՝ որպէս խթան COVID-19 համավարակին Հայաստանի կառավարութեան ջանքերուն։ Հայաստանի Հանրապետութեան մէջ Ամերիկայի դեսպան Լին Թրէյսին յայտարարեց . «Համաճարակի ողջ ընթացքին Ամերիկան գործակցեցաւ Հայաստանի հետ՝ COVID-19-ի դէմ պայքարելու: Այս նոր օժանդակութեան միջոցով մենք պիտի շարունակենք աշխատիլ միասին`յաղթահարելու COVID-19-ը եւ նախապատրաստուելու հանրային առողջութեան յետագայ սպառնալիքներուն»:

Ցուցադրել ավելի
Back to top button