Երևանի Արշակունյաց պողոտայում գտնվող շենքերից մեկի բնակիչները թանգարանային ցուցանմուշներն են։ Դրանք տարիներ ի վեր հավաքել և իր բնակարանում գրանցելու իրավունք է տվել Հարություն Մինասյանը՝ Հայ բժշկության թանգարանի հիմնադիրը:
Բժշկական ինստիտուտն ավարտելուց հետո սկսեց հավաքել հատկապես բժշկությանն առնչվող հին իրեր, քայլ առ քայլ գնաց իր երազանքի իրականացման ուղղությամբ ու հիմնեց բազմաբովանդակ բժշկական հավաքածու: Այդպես էլ 1999 թվականին ստեղծվում է Հայ բժշկության թանգարանը:
Առաջին հայացքից մի փոքր սարսափելի թվացող այս թանգարանում է ներկայացված հայ բժշկության անցյալն ու ներկան, հարուստ պատմության իրեղեն ու գրական վկայությունները:
Այստեղ են պահպանվում, ցուցադրվում և սերունդներին փոխանցվում հայ ժողովրդի դարավոր բժշկական մշակութային ժառանգության նյութական և հոգևոր արժեքները, ինչպես նաև այստեղ կարող ենք շփվել հայ բժշկության բազմադարյա հարուստ ավանդույթների հետ: Զրույց Հայ բժշկության թանգարանի հիմնադիր Հարություն Մինասյանի հետ: