Վարչապետ Նիկոլ Փաշինյանի հետ հանդիպումից հետո լրագրողների հետ ճեպազրույցում «Լուսավոր Հայաստան» կուսակցության նախագահ Էդմոն Մարուքյանը հայտնել է, որ արտահերթ ընտրությունների վերաբերյալ համաձայնություն ձեռք չեն բերել:
«Բանակցություններ վարել ենք, և ըստ էության, վարչապետը Գլխավոր շտաբի պետի խնդիրը չի կապում արտահերթ ընտրությունների գործընթացի հետ: Մենք ենք կապում, որովհետև տեսնում ենք, որ երկրում եղած ճգնաժամին նաև գումարվել է ԳՇ խնդիրը»,- ասել է Էդմոն Մարուքյանը։
Կշարունակվեն բանակցությունները վարչապետի հետ «Բարգավաճ Հայաստան» կուսակցության նախագահ Գագիկ Ծառուկյանի հանդիպումից հետո, երբ պարզ կդառնա, թե ինչպիսին է ԲՀԿ-ի դիրքորոշումը: Մարությանը նշել է, որ միայն «Լուսավոր Հայաստանի» դիրքորոշումը բավարար չէ խորհրդարանը ցրելու և արտահերթ ընտրություններ անցկացնելու համար:
