ԿարևորՌադիոլուր

Արեւմտահայերէն լուրեր Մարտ 2, 2021

Այսօր Հայաստանի Ազգային ժողովը մեկնարկեց հերթական քառօրեայ նիստը: Օրակարգին ընդգրկուած են շարք մը օրէնքներու նախագիծեր: Նախատեսուած է Վճռաբէկ դատարանի դատաւորի թեկնածուի ընտրութիւն, փախստականներու եւ ապաստանի մասին Հայաստանի Հանրապետութեան օրէնքին մէջ փոփոխություն եւ լրացումներ կատարելու ,ինչպէս նաեւ Ատրպէյճանի վերահսկողութեան տակ գտնուող ռազմագերիներու եւ գերի առնուած քաղաքացիական անձերու, անոնց մէջ ըլլալով կանանց հայրենադարձումը խոչընդոտող եւ ձգձգող Ատրպէյճանի քաղաքականութիւնը դատապարտելու վերաբերեալ յայտարարութեան նախագիծը:

Մարտ 2-ին ՝ Արցախի փրկարարական 4 ջոկատ վերսկսած է զոհուած զինծառայողներու աճիւններու և անյայտ կորսուածներու որոնողական աշխատանքները: Հադրութի շրջանին մէջ, Վարանտայի (Ֆիզուլի) և Ջրականի (Ջաբրայիլ) ուղղութիւններով: Մինչ այս՝ որոնումները կասեցուած էին Փետրուար 15-էն ՝ ատրպէյճանական կողմի պահանջով:

Ֆրանսայի նախագահ Էմանուէլ Մաքրոն այսօր երեկոյեան տեսակապով բանակցութիւններ պիտի վարէ Թուրքիոյ նախագահ Էրտողանին հետ։ Ինչպէս յայտնի է, երկու ղեկավարները բազմաթիւ տարաձայնութիւններ ունին և յաճախ հանդէս կու գան իրար հասցէին հրապարակային քննադատութիւններով։ 2020 թուականի աշնան եւ ձմռան սկիզբը Մաքրոն յայտարարած էր, որ Փարիզ տեղեկութիւններ ունի այն մասին, որ Անգարան Սուրիայէն գրոհայիններ կը բերէ Լեռնային Ղարաբաղ պատերազմին մասնակցելու համար: Ան նաեւ սպառնացած էր պատժամիջոցներ կիրառել Թուրքիոյ դէմ, եթէ ան չհրաժարի Յունաստանի եւ Կիպրոսի հանդէպ միակողմանի գործողութիւններէն:

Ցուցադրել ավելի
Back to top button