ԿարևորՀասարակություն

Ֆիլադելֆիայի I-95 մայրուղուց հակահայկական գովազդային պաստառը հեռացվել է

Ամերիկայի հայկական համագումարի և տեղի հայ համայնքի ջանքերի շնորհիվ հակահայկական գրառմամբ գովազդային պաստառը հեռացվել է Ֆիլադելֆիայի I-95 մայրուղուց: 

Այս մասին Ամերիկայի հայկական համագումարը գրառում է կատարել թվիթերյան միկրոբլոգում. «Մեր համատեղ ջանքերի շնորհիվ հահայկական և ճշմարտությանը հակասող գովազդային պաստառը հեռացվել է Ֆիլադելֆիայի I-95 մայրուղուց: Շնորհակալ ենք բոլորին, ովքեր կապ են հաստատել Lamar գովազդային գործակալության հետ»:

Մայրուղու վրա տեղադրված գովազդային պաստառի վրա գրված է եղել. «Ադրբեջանցիները (և թուրքերը) պատրաստ են ներդաշնակության մեջ ապրել հայերի հետ: Արդյոք պատրաստ են հայերը»: Գովազդի պատվիրատուն թուրքական առևտրային MUSIAD կազմակերպության ամերիկյան գրասենյակն է:

Back to top button