ԿարևորՌադիոլուր

Արեւմտահայերէն լուրեր Փետրուար 17, 2021

Հանրապետութեան նախագահ, «Հայաստան» համահայկական հիմնադրամի հոգաբարձուներու խորհուրդի նախագահ Արմէն Սարգսեան աշխատանքային հանդիպում ունեցաւ Հիմնադրամի գործադիր տնօրէն Հայկակ Արշամեանին հետ: Յառաջիկային կը նախատեսուի հոգաբարձուներու խորհուրդի արտահերթ նիստ՝ Հիմնադրամի կառավարման և գործունէութեան հետ կապուած խնդիրները քննարկելու եւ լուծումներ գտնելու նպատակով: Նախագահ Սարգսեան կարեւոր նկատեց աշխարհասփիւռ հայութեան հանգանակած եւ «Հայաստան» համահայկական հիմնադրամին նուիրաբերած միջոցներու արդիւնաւէտ, պատասխանատու ծախսումը, հիմնադրամի գործունէութեան թափանցիկութիւնը և, կառոյցի հանդէպ վստահութիւնը:

Հայաստանի Արտաքին գործոց նախարար Արա Այվազեան այսօր կարճատեւ աշխատանքային այցով կը մեկնի Մոսկուա: Փետր․ 5-ին Այվազեան հեռախոսազրոյց ունեցած էր Ռուսաստանի Արտաքին գործոց նախարար Սերգէյ Լավրովին հետ։ Անդրադարձած էին Նոյ․ 10-ի եռակողմ յայտարարութեան դրոյթներու լիարժէք իրականացման ընթացքին։

Փետր․ 17-18-ին երեւանի [DoubleTree Hilton] հիւրանոցին մէջ տեղի կ՛ունենայ իրանեան ցուցահանդէս։ Կը ներկայացուին Իրանի Իսլամական Հանրապետութեան արդիւնաբերութեան տարբեր ոլորտները։ Ցուցահանդէսը կազմակերպուած է Իրանի արտահանման և ներդրումների կեդրոնին կողմէ ։ Պատուիրակութեան կազմին մէջ են իրանցի աւելի քան 60 պետական և մասնաւոր ընկերութիւններու ներկայացուցիչներ։ Պատուիրակութիւնը Երեւան ժամանեց Հայաստանի պետական և մասնաւոր հատուածներու ներկայացուցիչների հետ առեւտրական ,տնտեսական ոլորտին վերաբերող հանդիպումներ ունենալու նպատակով։

Back to top button