ԿարևորՌադիոլուր

Արեւմտահայերէն լուրեր Փետրուար 16, 2021

— Այսօր Ճափոնի կառավարութիւնը որոշում առած է 3.6 մլն ԱՄՆ տոլարի օգնութիւն տրամադրել Հայաստանին՝ Լեռնային Ղարաբաղի պատերազմէն յետոյ ճգնաժամը յաղթահարելու մարդասիրական նպատակով: Կառավարութեան որոշմամբ՝ աջակցութիւնը կը տրամադրուի բնակչութեան կենսամակարդակի բարելաւման, ապաստարաններու վերանորոգման և բժշկական վերազինման նպատակով։

— Հայաստանի մէջ Ամերիկայի արտակարգ և լիազօր դեսպան Լին Թրեյսին հանդիպում ունեցած է Հայաստանի մէջ Կարմիր խաչի միջազգային կոմիտէյի պատուիրակութեան ղեկավար՝ Թիերի Ռիպոյի հետ, քննարկած են գերիների վերադարձի հարցը:

— Այսօր առաջին անգամ հայաստան կայցելէ Մեծ Պրիթանիոյ և Հիւսիսային Իռլանտայի Միացեալ Թագաւորութեան արտաքին գործերու նախարարության Եվրոպական հարեւանութեան եւ Ամերիկայի հարցերով նախարար Ուենտի Մորթըն ։ Երկօրեայ այցի ընթացքին նախարար Մորթըն Հայաստանի Արտաքին գործոց նախարարի տեղակալ Աւէտ Ատոնցի հետ պաշտօնապէս բացումը կը կատարէ Պրիթանական դեսպանութեան նոր գրասենեակին Երեւանի մէջ ։ Նախարար Մորթըն հանդիպում կ՛ունենայ Արտաքին գործոց նախարար Այվազեանին հետ և կը վերահաստատէ Միացեալ Թագաւորութեան աջակցութիւնը ԵԱՀԿ Մինսքի խումբի համանախագահներու աշխատանքներուն` Լեռնային Ղարաբաղի մէջ իրական և տեւական խաղաղութեան հաստատման ուղղութեամբ:

Back to top button