ԿարևորՌադիոլուր

Արեւմտահայերէն լուրեր Փետրուար 15, 2021

Ատրպէյճանական զինուած ծառայողները Սիւնիքի գիւղերու անմիջական հարեւանութեամբ կը կրակեն ինչպէս փոքր, այնպէս ալ խոշոր տրամաչափի զինատեսակներէն»: Դիմատետրի էջին գրած է Հայաստանի մարդու իրաւունքներու պաշտպանը աւելցնելով , որ այս ամէնը անգամ մը եւս կը հաստատէ, որ Սիւնիքի համայնքներու անմիջական հարեւանութեամբ, այդ համայնքները իրար կապող ճանապարհներուն ատրպէյճանական զինուորական ուժեր պետք չէ ըլլան . ատիկա լրջրէն կը վտանգէ խաղաղ բնակիչներու իրաւունքները,կը խաթարէ անոնց անդորրն ու խաղաղ կեանքը,-ըսած է Արման Թաթոյեան։

Սուրիոյ հակաօդային պաշտպանութեան միջոցները այսօր դիմագրաւած են իսրայէլեան հրթիռային գրոհ Դամասկոսի շրջակայքին վրայ:Կը յայտնէ Սանա գործակալութիւնը։ Սուրիական ուժերը յաջողած են խոցել հրթիռներու մեծ մասը: Սուրիոյ մայրաքաղաքի արեւմտեան շրջակայքին մէջ լսուած են պայթումներ: Սակայն Իսրայէլի պաշտպանութեան բանակը հրաժարած Է մեկնաբանել հրթիռային հարուածներու մասին հաղորդումները:

Այսօր Փետրուար 15-ին սկսաւ Մեծ Պահքի շրջանը։ Պահքի ընթացքին կը հրաժարինք ոչ միայն որոշակի կերակուրներէն, այլեւ մոլի սովորութիւններէն, շատախօսութենէն, ստախօսութենէն, հայհոյանքէն եւ այլ մեղքերէն:Հայ Առաքելական եկեղեցին այս տարի սուրբ Յարության տօնը պիտի նշէ Ապրիլ 4-ին ։

Back to top button