ԿարևորՌադիոլուր

Արեւմտահայերէն լուրեր Փետրուար 12, 2021

Արտաքին գործոց Նախարարութեան մամլոյ խօսնակ Աննա Նաղդալեան մեկնաբանութեամբ հանդէս եկաւ, ՀՅԴ Հայ դատի կեդրոնական խորհուրդի՝ տարածաշրջանային հարցերու, մասնաւորապէս Թուրքիոյ հանդէպ Հայաստանի մօտեցումներուն վերաբերեալ մտահոգութիւններ պարունակող յայտարարութեան առնչութեամբ, եւ նշեց, որ Հայաստանի բոլոր կառավարութիւնները, ինչպէս նաեւ սփիւռքահայ առաջատար կազմակերպութիւնները, մշտապէս համարած են Թուրքիոյ կողմէն Հայաստանի շրջափակումը ապօրինի և հանդէս եկած են ատոր դադրեցման դիրքերէն ։

Անդրադառնալով յայտարարութեան՝ ան ընդգծեց , որ ՀՅԴ Հայ դատի կեդրոնական խորհուրդի յայտարարութեան մէջ տեղ գտած մտահոգութիւնները հիմնուած են նախարար Այվազեանի՝ Ազգային ժողովին մէջ հնչեցուցած խօսքերու մեկնաբանութիւններուն վրայ։ «Այդ մեկնաբանութիւնները ՝ որեւէ կերպով չեն արտացոլեր Հայաստանի գնահատականը և մօտեցումները Թուրքիոյ՝ տարածաշրջանին մէջ ներգրաւման առնչութեամբ»,- ընդգծեց Նաղդալեան՝ աւելցնելով, որ Հայաստան որեւէ կերպ չէ վերանայած տարածաշրջանին մէջ Թուրքիոյ ապակառուցողական ներգրաւման վերաբերեալ իր գնահատականը:

Գորիս-Դավիթ-Բէկ ճանապարհային հատուածի երթեւեկութեան անխափանութեան նկատառումներով տեղակայուած են ռուս սահմանապահ ուժեր։ Գորիս-Կապան ճանապարհի՝ 21 քմ. երկարութեամբ հատուածի անվտանգութիւնը, որը կ՛անցնի վիճարկելի տարածքով, կ՛ապահովուի ռուս սահմանապահներու միջոցով` համաձայն ձեռք բերուած համաձայնութեան: Հայտարարութիւնը տարածեց Պաշտպանութեան նախարարութիւնը` յիշեցնելով, որ այս ամէնը հաղորդուած էր աւելի վաղ:

Հեղինակաւոր Netflix-ի համար Հայաստանի մէջ ֆիլմաշար կը պատրաստուի, Հայաստանի Արհեստագիտութեան արդիւնաբերութեան նախարար Յակոբ Արշակեան քննարկած է նախագիծը։ Ֆիլմաշարը թոյլ կու տայ աշխարհին ներկայացնելու Հայաստանի արհեստագիտութեան հնարաւորութիւններւը։ Ֆիլմի աշխատանքներուն մէջ նախատեսուած է ներգրաւել համահայկական ներուժը՝ ստեղծագործական խումբին մէջ ներառելով աշխարհի տարբեր երկիրներու մէջ յաջողություններու հասած հայերը»,-դիմատետրին մէջ գրած է նախարարը: «Musk Factor» 10-12 մասով ֆիլմը կը պատմէ չորս տղաներու մասին, որոնք անիրական թուացող գաղափարէն կը հասնին անհաւանական յաջողութեան՝ օգտագործելով արհեստական բանականութեան կարելիութիւնները։

Back to top button