ԿարևորՌադիոլուր

Արեւմտահայերէն լուրեր Փետրուար 11, 2021

Մարտ ամսուն ուժի մեջ կը մտնէ Հայաստան-Եվրամիութիւն Համապարփակ և ընդլայնուած գործընկերութեան համաձայնագիրը, կը հաղորդէ ՀՀ Արտաքին գործոց նախարարութիւնը: Հարկ է ընդգծել, որ համաձայնագիրը կ՛անդրադառնայ նաեւ Լեռնային Ղարաբաղի հակամարտութեան խաղաղ կարգաւորման հարցին՝ վերահաստատելով Եվրամիութեան յայտարարուած յանձնառութիւնը՝ աջակցելու ԵԱՀԿ Մինսքի խումբի համանախագահներու մօտեցումներուն, որոնք ուղղուած են Լեռնային Ղարաբաղի հակամարտութեան հանգուցալուծման, մասնաւորապէս՝ ժողովուրդների իրաւական հաւասարութեան եւ ինքնորոշման իրաւունքի հիման վրայ», — կը շեշտէ Արտաքին քաղաքական գերատեսչութիւնը։

Հայաստան վճռական է բարեկամ Իրանի հետ առաջ մղելու երկկողմ փոխ շահաւէտ համագործակցութիւն՝ ի շահ մեր ժողովուրդներու եւ տարածաշրջանին։ Վարչապետ Նիկոլ Փաշինեան շնորհաւորական ուղերձներ յղած է Իրանի Իսլամական Հանրապետութեան նախագահ Հասան Ռոհանիին և Իսլամական յեղափոխութեան գերագոյն առաջնորդ Սէյյէտ Ալի Խաիմիին՝ Իսլամական յեղափոխութեան յաղթանակի 42-րդ տարեդարձին առիթով :

Նոյն առիթով Հայաստանի Հանրապետութեան նախագահ Արմէն Սարգսեան շնորհաւորական ուղերձին մէջ նշած է. «Տարածաշրջանին մէջ ստեղծուած բարդ իրավիճակի պայմաններուն՝ այսօր առաւել քան երբեւէ կարեւոր դարձած են Հայաստանի և Իրանի միջեւ յարաբերութիւնները, որոնց արագընթաց զարգացումը օրուան հրամայականն է»։

Այսօր Առաքելական մեր եկեղեցին կը նշէ նուիրական յիշատակը Սրբոց Վարդանանց: 451 թուականի Մայիսին, Աւարայրի ճակատամարտին, հայրենիքի, Հայ Եկեղեցւոյ եւ քրիստոնէական պահպանման համար նահատակուած Վարդանանց զօրավարներն ու 1036 մարտիրոսները Հայաստանեայց Առաքելական Եկեղեցւոյ մեծագոյն սուրբերէն են: Վարդանանց տօնին Մայր Աթոռ Սուրբ Էջմիածինի եւ հայկական բոլոր եկեղեցիներու մէջ կը մատուցուի Սուրբ Պատարագ:

Back to top button