Ուսուցչուհի Վարդուհի Խաչատրյանը սեպտեմբերի 27-ին գործընկերների հետ Սուրբ Հովհաննես եկեղեցու ճանապարհին էր, երբ իմացավ պատերազմի բոթը:
Առանձնապես ուշադրություն չդարձրեց, քանի որ զինվորականի կին է ու գիտեր, որ կրակոցներ հաճախ են լինում:
Որոշ ժամանակ անց, սակայն, անհանգստացավ, երբ Արցախում գտնվող ամուսնուն ուղղված զանգերն անպատասխան մնացին:
Վարդուհին խոստովանում է, որ երբեք չի զղջացել, որ զինվորականի կին է դարձել ու անգամ հիմա, երբ միասին ապրել են պատերազմը, երջանիկ է, որ հենց նրան է ընտրել:
Պատերազմի ծանր շրջանում ամուսինը Վարդուհու ծննդյան օրն անակնկալ արեց ու եկավ, դա եղավ երբևէ կնոջը տված լավագույն նվերը:
