ԿարևորՌադիոլուր

Արեւմտահայերէն լուրեր Փետրուար 9, 2021

Հայաստանի մէջ բարձր արհեստագիտութեան ոլորտի ընկերութիւններու շրջանառութիւնը աճած է 20.6 տոկոսով և կազմած շուրջ 198 մլրդ դրամ, լուրը տեղեկացուց նախարար Յակոբ Արշակեան՝ ամփոփելով 2020 տարուան ցուցանիշները: Ոլորտին մէջ ներգրաւուած է 18 հազարէն աւելի աշխատակից: Հայաստանի մէջ բարձր արհեստագիտութեան ոլորտի գործունէութիւն ծաւալող 1228 ընկերութիւն կայ, 2020-ին հաւաստագրեր ստացած են օգտուելով հարկային արտօնութիւններէն 192 նոր ընկերութիւն:

Հայաստանի Արտաքին գործոց նախարար Արա Այվազեան հեռաձայնային զրոյց ունեցած է Միացեալ Նահանգներու արտաքին գործոց նախարարութեան Եւրոպական եւ եւրասիական հարցերու տեղակալի պաշտօնակատար Ֆիլիփ Ռիքըրի հետ: Զրուցակիցները անդրադարձած են տարածաշրջանային անվտանգութեան եւ կայունութեան հարցերուն: Արցախի դէմ թուրք-ատրպէյճանական յարձակումներուն հետեւանքներուն ։ Նախարար Այվազեան Ֆիլիփ Ռիքըրին ուշադրութեան յանձնեց մարդասիրական հարցերու, յատկապէս հայ ռազմագերիներու եւ պատանդի կարգավիճակին մէջ գտնուող քաղաքացիական անձերու հայրենադարձութեան հարցին մէջ Ատրպէյճանի կողմէ խոչընդոտներու ստեղծման անթոյլատրելիութիւնը:

Air Arabia ընկերութիւնը Փետրուար 13-ին կը վերսկսի Շարժա-Երեւան-Շարժա օդանաւի չուերթները: Շաբաթական երկու անգամ յաճախականութեամբ՝ իւրաքանչիւր Երեքշաբթի եւ Շաբաթ:

Back to top button