ԿարևորՏնտեսական

Իրանցի տնտեսվարողների հետ քննարկվել են Հայաստանի հետ համագործակցության հնարավորությունները

Փետրվարի 7-ին ԻԻՀ-ում ՀՀ արտակարգ և լիազոր դեսպան Արտաշես Թումանյանը Թեհրանի միջազգային ցուցահանդեսների կենտրոնում մասնակցել է «Iran Plast 2021» 14-րդ ցուցահանդեսի բացման արարողությանը, հայտնում է Իրանում ՀՀ դեսպանության ֆեյսբուքյան էջը։

Միջոցառմանը ներկա են եղել նաև Իրանում հավատարմագրված այլ երկրների դիվանագիտական ներկայացուցչությունների ղեկավարներ: Ելույթով հանդես է եկել ԻԻՀ նավթի նախարար Բիժան Նամդար Զանգանեն:

Բացման արարողությունից հետո ՀՀ դեսպանը և նրան ուղեկցող դիվանագիտական անձնակազմը շրջել են ցուցահանդեսի տաղավարներով և ծանոթացան պլաստմասի և կաուչուկի արդյունաբերության մեջ օգտագործվող առանձին արտադրատեսակների, օժանդակ նյութերի և ծառայությունների հետ:

Իրանցի տնտեսվարողների հետ քննարկվել են Հայաստանի հետ համագործակցության հնարավորությունները:

Back to top button