ԿարևորՀասարակություն

Բավրա-Նինոծմինդա անցակետն այսօր վերսկսել է աշխատանքը

Հայ-վրացական սահմանի Բավրա-Նինոծմինդա անցակետն այսօր վերսկսել է իր աշխատանքը։ Այս մասին հայտնում են Վրաստանում Հայաստանի դեսպանությունից։

«Հայ-վրացական սահմանի Բավրա-Նինոծմինդա անցակետն այսօր ժամը 10։00-ից վերսկսել է իր աշխատանքը և սահմանը հատելու թույլտվություն ունեցող անձինք, Սադախլոյի անցակետից զատ, այսուհետև կարող են օգտվել նաև Բավրա-Նինոծմինդա անցակետից։

Անցակետը կգործի ժամը 10։00-ից մինչև 18։00-ն ընկած ժամանակահատվածում։

Անցակետով բեռնատարների երթևեկն շարունակվում է իրականացվել շուրջօրյա ռեժիմով։

ՀՀ քաղաքացիների մուտքը Վրաստան հնարավոր է միայն վակցինացիայից հետո (երկու դեղաչափ), իսկ Վրաստանի քաղաքացիները Հայաստան կարող են մուտք գործել միայն Վրաստանի պատկան մարմինների կողմից տրված ելքի հատուկ թույլտվության պարագայում»,-նշված է կառույցի ֆեյսբուքյան գրառման մեջ։

Back to top button