ԿարևորՌադիոլուր

Արեւմտահայերէն լուրեր Փետրուար 4, 2021

Հայաստանի կառավարութեան այսօրուայ նիստին վարչապետ Նիկոլ Փաշինեան յայտարարեց որ «Ճամփորդիր առանց Covid-19-ի» ծրագիրը յաջողութեամբ սկիզբ առաւ։ Արձագանքելով փոխվարչապետ Մհեր Գրիգորեանն ալ ըսաւ , որ այս 3 օրուան ընթացքին Հայաստանէն օդային ուղիներով մեկնած է 3900 անձ , իսկ Հայաստան եկած է 3400 անձ։

Արցախի Պաշտպանութեան Բանակի նախկին հրամանատար Ջալալ Հարութիւնեան նշանակուած է Հայաստանի Պաշտպանութեան նախարարութեան ռազմական վերահսկողական ծառայութեան պետ: Լուրը հաստատեց Նախարութեան հասարակայնութեան հետ կապերու վարչութեան պետ Գէորգ Ալթունեան։

Այսօր Արեւմտահայ գրականութեան ամենէն յայտնի կին գրող, Կիլիկիոյ մեծ սարսափներու մասին պատմող Զապէլ Եսայեանի ծննդեան օրն է ։ Ան ծնած է 1878-ին փետր 4-ին ։ 1915 թ. ապրիլի 24-ի գիշերը աքսորի ենթարկուած հայ մտաւորականներէն միակ կինը, որը հրաշքով մազապուրծ եղած է եաթաղանէն։ Զապել Եսայեանի համար ճակատագրական կ՛ըլլայ Երեւանի համալսարանէն ստացած աշխատանքային հրաւէրը 1933-ին: Ժամանակները աղէտալի էին՝ սթալինեան բռնութիւններ: 1936 թ. Գրողներու միութեան մէջ իր ելոյթէն ետք, զինք կը ձերբակալեն: Պաքուի բանտէն անոր գրած նամակները կը պահուին որպէս վերջին ձեռագիր-մասունքներ եւ կը վկայեն անոր տոկուն ու խիզախ ըլլալը: Առ-այսօր ստոյգ տուեալներ չկան արեւմտահայ կին գրողի եղերական մահուան հանգամանքներու եւ տարեթիւի մասին: Բարեբախտաբար, նկարիչ Տիգրան Եսայեանի հետ ժամանակին ընտանիք կազմած գրողը ունեցած է ժառանգներ՝ մեկ մանչ եւ մեկ աղջիկ: Ամերիկեան պարբերականները զայն համարեցին աշխարհի ամենէն խիզախ կիներէն մէկը, բնութագրեցին ՝ որպէս 20-րդ դարու ամենէն յայտնի հայ կին գրողը։

Back to top button