ԿարևորՀասարակություն

Բյուրեղավան խոշորացված համայնքի Ջրաբեր բնակավայրում անցկացվել է խմելու ջրի 3,5 կմ նոր ջրագիծ

Կոտայքի մարզի Բյուրեղավան խոշորացված համայնքի Ջրաբեր բնակավայրում ավարտվել է ՀՀ Կառավարության 2020 թվականի սուբվենցիոն ծրագրով իրականացվող խմելու ջրի բարձր ճնշման խողովակաշարերի և օրվա կարգավորիչ ջրամբարի կառուցման աշխատանքների առաջին փուլը։

Գյուղի համար կարևոր նշանակություն ունեցող այս ծրագրի աշխատանքները մեկնարկել են դեռևս անցյալ տարի աշնանը:

Ջրաբեր բնակավայրի խմելու ջրագծի ներքին ցանցը բավականին հնամաշ էր և արդիականացման խիստ կարիք ուներ։

Ծրագրի շրջանակում համայնքում նախատեսված էր անցկացնել խմելու ջրի նոր ջրագիծ և իրականացնել ներքին ցանցի ամբողջական արդիականացման աշխատանքներ։ ️Այս փուլում արդեն իսկ անց է կացվել շուրջ 3,5 կմ խմելու ջրի նոր ջրագիծ:

Ծրագրի պայմանագրային արժեքն ավելի քան 71 մլն դրամ է, որից 55 %-ը պետական բյուջեի ֆինանսավորման չափն է, 45%-ը՝ համայնքի ներդրումը։ Շինաշխատանքների իրականացման ընթացքում ի հայտ են եկել լրացուցիչ ծախսեր, որն էլ ֆինանսավորվել է համայնքի բյուջեի կողմից (շուրջ 24 մլն դրամ)։

Back to top button