ԿարևորՌադիոլուր

Արեւմտահայերէն լուրեր Փետրուար 2, 2021

Հայաստանի կառավարութիւնը առաջին անգամ միջպետական գանգատ ներկայացուցած է Մարդու իրաւունքներու եվրոպական դատարան՝ ընդդէմ Ատրպէյճանի ։ Մասնաւորապէս Հայաստանի կառավարութիւնը կը պնդէ, որ Ատրպէյճան խախտած է Արցախի և Հայաստանի բնակչութեան կեանքի եւ շարք մը այլ իրաւունքները: Կառավարութեան կողմէն գանգատին կից ներկայացուած են բազմաթիւ և ծաւալուն ապացոյցներ: բարձրացուած է նաեւ ռազմագերիներու և քաղաքացիական անձերու, Արցախի տեղահանուած բնակչութեան, զոհուած և վիրաւորուած քաղաքացիական անձերու, շարք մը հարցեր։

Այսօր Մոսկոայի մէջ Ռուսաստանի Արտաքին գործոց նախարար Սերգեյ Լաւրով բանակցութիւններ կ՛ունենայ Շուէտի Արտաքին գործոց նախարար, ԵԱՀԿ գործող նախագահ Ան Լինտէյի հետ: Ռուսաստանի տարածած հաղորդագրութեան համաձայն, այսօր կայանալիք հանդիպումին կը նախատեսուի, որ Սերգեյ Լաւրովն ու Ան Լինտէն դիտարկեն նաեւ ԵԱՀԿ աջակցութիւնը Ուքրանիոյ Արեւելքի եւ Լեռնային Ղարաբաղի հակամարտութիւններու կարգաւորման: Աշոտ Խաչատուրեան իր սերնդի լավագոյն դաշնակահարներէն է:

Արմատներով արցախցի բելճիքաբնակ մեր հայրենակիցը, Փետր․4-ին, Արամ Խաչատրեան համերգասրահին մէջ առաջին անգամ ելոյթ պիտի ունենայ Հայաստանի ազգային ֆիլհարմոնիկ նուագախումբին հետ: Մինչ այդ, Աշոտ Խաչատուրեան ընկերներուն հետ Փետր․2-ին հանդէս կու գայ կամերային բարեգործական համերգով , որուն հասոյթով ձեռք պիտի բերուի ռոյալ դաշնամուր մը, Ստեփանակերտի ռմբակոծուած երաժշտական դպրոցին համար:

Back to top button