ԿարևորՌադիոլուր

Արեւմտահայերէն լուրեր Փետրուար 1, 2021

Այսօր Թուրքիան եւ Ատրպէյճանը նոր համատեղ զորավարժութիւններ կը սկսին, Փետր․ 1-էն մինչև 12-ը: Թուրքիոյ տարածքին Հայաստանի սահմանին մօտիկ Կարսի մէջ այսօր թուրք զինուորականները կը սկսին 12-օրեայ զորավարժութիւններ, կը մասնակցին նաեւ ատրպէյճանցի զինուորականները: Կը Նշուի, որ զօրավարժութիւններու ընթացքին կ՛իրականացուին նոր սպառազինութեան փորձարկումներ։

Աւելի առաջ ՀՀ Արտաքին Գործոց նախարարութիւնը, արձագանգելով զօրավարժութիւններու մասին նախնական հրապարակումներուն, յայտարարած էր, թէ ԵԱՀԿ յանձնառութիւններու խախտումներով Հայաստանի սահմաններուն մօտ իրականացուող թուրք-ատրպէյճանական զօրավարժութիւնները չեն վկայեր, որ թուրք-ատրպէյճանական ղեկավարութիւնը խաղաղ մտադրութիւններ ունի Հայաստանի հանդէպ:

Արցախի Արտակարգ Իրավիճակներու պետական ծառայութիւնը կը տեղեկացնէ, որ ռազմագործողութիւններու ընթացքին զոհուած կամ անյայտ կորսուած զինծառայողներու փրկարար-որոնողական աշխատանքները այսօր կը շարունակուին Հադրութի և Վարանդայի (Ֆիզուլի) շրջաններուն մէջ: Որոնողական աշխատանքներու արդիւնքով 2020-ի Նոյեմբեր 13-էն մինչև 2021-ի Յունուար 31-ը յայտնաբերուած է ընդհանուր 1345 աճիւն:

Հռոմի պապը տատիկներու- պապիկներու համաշխարհային օր սահմանած է։ Այն կը նշուի տարին մէկ անգամ՝ որպէս տարեց մարդոց հանդէպ յարգանքի տուրք մատուցելու, ինչպէս նաեւ հասարակութեան համար անոնց կարեւորութիւնը ընդգծելու օր։ Տօնը կը նշուի ամէն տարուայ Յուլիսի չորրորդ կիրակին:

Back to top button