ԿարևորՌադիոլուր

Արեւմտահայերէն լուրեր Յունուար 28, 2021

Այսօր՝ Յունուար 28-ը հայոց բանակի օրն է, այսօր երախտիքի օր է մեր զինուորներուն, մեր հերոսներուն ․․ ։ 1992 թուականի այս օրը Հայաստանի կառավարութիւնը ընդունեց «Հայաստանի Հանրապետութեան Պաշտպանութեան նախարարուեան որոշումը: Այս տարի աւանդական՝ մեծ տօնական հանդիսութիւններ չեն նախատեսուած:

Վարչապետ Նիկոլ Փաշինեան Եռաբլուրի մէջ յարգանքի տուրք մատուցեց պատերազմին զոհուածների յիշատակին։

«Եռաբլուր» զինուորական պանթէոնին մէջ նախագահ Սարգսեանի անունով ծաղկեպսակ դրուեցաւ Հայրենիքի ազատութեան և անկախութեան համար զոհուածներու սխրանքը յավերժացնող յուշապատին։

«Դարերու ընթացքին մեր բոլոր պայքարներու բովին մէջ հայ զինուորը ցուցաբերած է մեծ արիութիւն , անձնուիրում՝ հերոսաբար պաշտպանելով երկիր հայրենին և հարազատ ժողովրդը։ Այս տարի Բանակի տօնը կը դիմաւորենք պատերազմի ողբերգական հետեւանքներու ցաւը մեր հոգւոյն մէջ ։ Թող Տէրը Իր օրհնութիւնն ու ողորմութիւնը տարածէ համայն մեր ժողովուրդի վրայ ի հայրենիս և ի սփիւռս, այսօր և միշտ »,-ըսուած է Ամենայն հայոց կաթողիկոսի ուղերձին մէջ:

Այսօր պանթէոնին մէջ լրագրողներուն հետ զրոյցին՝ Հայաստանի Արտաքին Գործոց նախարար Արա Այվազեան անդրադարձաւ Արցախի հիմնախնդրին: Ան ըսաւ, որ հիմնահարցը լուծուած չէ, կայ հիմնական, առանցքային հարցը՝ Արցախի կարգավիճակի յստակեցումը, որուն մասին խօսուած է նաեւ համանախագահ երկիրներու Արտաքին Գործոց նախարարներու մակարդակով:

Back to top button