Կառավարության այսօրվա նիստին որոշում կայացվեց Հովհաննես Հարությունյանին նշանակել Հայաստանի Հանրապետության Շիրակի մարզպետ:
«Ղեկավարվելով Հայաստանի Հանրապետության Սահմանադրության 160-րդ հոդվածի 2-րդ մասով և «Տարածքային կառավարման մասին» Հայաստանի Հանրապետության օրենքի 6-րդ հոդվածի 1-ին մասով` Հայաստանի Հանրապետության կառավարությունը որոշում է.
Հովհաննես Հարությունյանին նշանակել Հայաստանի Հանրապետության Շիրակի մարզպետ»,- ասված է վարչապետի որոշման մեջ:
Ավելի վաղ Շիրակի մարզպետ Տիգրան Պետրոսյանը հրաժարականի դիմում էր ներկայացրել:
Հովհաննես Հարությունյանը ՀՀ առողջապահության նախկին փոխնախարարն էր։
