ԿարևորՌադիոլուր

Արեւմտահայերէն լուրեր Յունուարի 19, 2021

Իրան պատրաստ է աջակցելու հայ-իրանական տնտեսական ծրագիրներու իրականացման։ Այսօր Իրանի մէջ ՀՀ արտակարգ և լիազօր դեսպան Արտաշէս Թումանեան հանդիպում ունեցած է Իրանի Արտաքին Գործոց Նախարարութեան տնտեսական դիվանագիտութեան հարցերով նախարարի տեղակալ Սեյետ Մոհաճերի հետ: Կողմերը քննարկած են Արցախեան պատերազմէն ետք ստեղծուած իրողութիւններու պայմաններուն երկկողմ և բազմակողմ տնտեսական յարաբերութիւններու զարգացման նոր միտումները, մարտահրաւէրներն ու կարելիութիւնները:

Փոխնախարար Մոհաճերը յայտնած է Իրանի ԱԳ նախարարութեան եւ իր պատրաստակամութիւնը՝ աջակցելու Հայաստան-Իրան տնտեսական ծրագիրներու եւ նախագիծերու իրականացման։

Մարտական գործողութիւններու վայրերուն մէջ կատարուած որոնողական աշխատանքներու ընթացքին Հադրութի, Ջաբրայիլի հատուածներէն եւ Սիւնիքի Դաւիթ Բէկ գիւղի սահմանակից տարածքէն յայտնաբերուած են 7 զոհուած զինծառայողի և 1 քաղաքացիական անձի աճիւններ: Կը տեղեկացնէ Արցախի Արտակարգ իրավիճակներու պետական ծառայութիւնը։

«Հայկական կամուրջ» ծրագիրի նպատակն է Հայաստանը կապել միջազգային արհեստագիտական կեդրոններուն հետ` օգտագործելով հայկական գիտական մտքի ուժը՝ հենուելով Սփիւռքի ներուժին վրայ»-, գրած է բարձր արհեստագիտութեան և արդիւնաբերութեան նախարար՝ Յակոբ Արշակեան:

«Ներկայացուած ընկերութիւններէն իւրաքանչիւրը մեծ ներդրումներ ներգրաւելու և շուկաներ նուաճելու հնարաւորութիւն ունի’ Հայաստանի և արտերկրի մէջ»,-նշեց նախարարը։ Յունուար 28-ին ընկերութիւնները կարելիութիւն կ՛ունենան իրենց ծրագիրները ներկայացնելու միջազգային ձեռներէցներուն, գործընկերներուն ու ներդրողներուն։

Back to top button