ԿարևորՀասարակություն

Rossiya Airlines-ը թռիչքներ է սկսում դեպի Հայաստան

Rossiya Airlines-ը հունվարի 15-ից Պուլկովոյի օդանավակայանից ուղիղ չվերթեր կիրականացնի դեպի Երևան:

Թռիչքները կիրականացվեն շաբաթը մեկ անգամ ուրբաթ օրը Airbus A319 ինքնաթիռով: Պուլկովոյի օդանավակայանից առաջին FV6921 չվերթը կիրականացվի հունվարի 15-ին: Այս մասին նշված է փոխադրողի կայքում տեղ գտած հաղորդագրությունում:

Մեկնումը Պուլկովոյից նախատեսվում է Մոսկվայի ժամանակով ժամը 9: 30-ին, Երևանից հետադարձ չվերթը՝ տեղական ժամանակով ժամը 17: 55-ին: Թռիչքների տոմսերն արդեն վաճառքում են:

Ավիաընկերությունը նշել է, որ Հայաստանն այժմ ամբողջությամբ վերացրել է օտարերկրացիների համար օդային ճանապարհով երկիր մուտք գործելու արգելքը, սակայն դրա համար անհրաժեշտ է ունենալ կորոնավիրուսի բացասական թեստ, որն արվել է ոչ շուտ, քան սահմանին ներկայացնելուց 72 ժամ առաջ: Թեստը կարող է կատարվել նաև Երևանի օդանավակայանում, բայց այդ ժամանակ քաղաքացին պարտավոր կլինի ինքնամեկուսանալ մինչև թեստի պատրաստ լինելը, որի արդյունքը հայտնի կդառնա 48 ժամվա ընթացքում:

Ավիաընկերությունում նաև հիշեցրել են, որ Ռուսաստան ժամանելով նույնպես նույնպես անհրաժեշտ կլինի PCR թեստ հանձնել և արդյունքը տրամադրել «Ռոսպոտրեբնադզորին»: Այլ մեթոդներով կատարված թեստերի արդյունքները չեն ընդունվում: Թեստի բացասական արդյունք ստանալուց առաջ ուղևորից պահանջվում է նաև ինքնամեկուսացում:

Պուլկովոյի ժամանակացույցի համաձայն ՝ Nordwind Airlines- ը ևս իրականացնում է ուղիղ չվերթներ դեպի Երևան:

Back to top button