2020 թվականի սուբվենցիոն ծրագիրը Շիրակի մարզի Սարալանջ համայնքն ուղղել է արևային ֆոտովոլտային կայանի տեղադրմանը և փողոցային լուսավորության ցանցի ընդլայնմանը։
Այս մասին տեղեկացնում է Շիրակի մարզպետարանը:
Ծրագրի ընդհանուր արժեքը 11 մլն 580 հազար դրամ է, որից պետական բյուջեից համաֆինանսավորման չափաբաժինը 65 տոկոս է, իսկ համայնքի բյուջեի ֆոնդային մասից համաֆինանսավորումը՝ 35:
Նախատեսվում է Սարալանջ համայնքում կառուցել 10կվտ հզորությամբ արևային ֆոտովոլտային կայան։ Համայնքի 3 փողոցում ընդլայնվել է լուսավորության ցանցը, տեղադրվել են 25 նոր հենասյուն և լուսատուներ:
