Ռուսաստանից Ստեփանակերտ են ժամանել ռազմական բժիշկները՝ բնակչությանն օգնելու համար
ՌԴ Արևելյան ռազմական շրջանի հատուկ նշանակության բժշկական ջոկատի առաջին ստորաբաժանումները ժամանել են Ստեփանակերտ՝ տեղի բնակչությանը օգնություն ցուցաբերելու համար:
Այդ մասին հայտնում են ՌԴ ՊՆ-ից:
ՀՆԲՋ ստորաբաժանումները շարասյունով անցել են 300 կիլոմետր ճանապարհ՝ Երևանից Ստեփանակերտ, իսկ ավելի վաղ ռազմական բժիշկները Խաբարովսկից Երևան են տեղափոխվել Իլ-76 ինքնաթիռներով:
Շարասյունն ուղեկցել են Ռուսաստանի խաղաղապահ միավորումները և ռազմական ոստիկանության պարեկները:
Հատուկ նշանակության բժշկական ջոկատի առաջին ստորաբաժանման կազմում ավելի քան 60 բժիշկ կա, ներառյալ՝ ռազմական վիրաբույժներ, անեսթեզիոլոգ-ռեանիմատոլոգներ, թերապևտներ և համաճարակաբաններ:
Բժշկական սարքավորումները կտեղադրվեն մասնագիտացված բժշկական կենտրոնում՝ որակյալ բժշկական օգնություն ցուցաբերելու համար:
